ਬਹੁਤ ਜਲਦੀ ਹੀ ਫਾਰਮਾਸਿਊਟੀਕਲ ਆਯਾਤ ‘ਤੇ ਵੱਡੇ ਟੈਰਿਫ ਲਗਾਵਾਂਗੇ: ਅਮਰੀਕੀ ਰਾਸ਼ਟਰਪਤੀ ਟਰੰਪ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੁਹਰਾਇਆ ਕਿ ਅਮਰੀਕਾ ਦੁਆਰਾ ਫਾਰਮਾਸਿਊਟੀਕਲ ਆਯਾਤ ‘ਤੇ “ਵੱਡੇ ਟੈਰਿਫ” ਦਾ ਐਲਾਨ “ਬਹੁਤ ਜਲਦੀ” ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ, “ਇੱਕ ਵਾਰ ਜਦੋਂ ਅਸੀਂ ਅਜਿਹਾ ਕਰ ਲੈਂਦੇ ਹਾਂ, ਤਾਂ ਉਹ ਸਾਡੇ ਦੇਸ਼ ਵਿੱਚ ਵਾਪਸ ਜਲਦੀ ਆ ਜਾਣਗੇ। ਸਾਨੂੰ ਸਾਰਿਆਂ ਤੋਂ ਵੱਧ ਫਾਇਦਾ ਇਹ ਹੈ ਕਿ ਅਸੀਂ ਵੱਡਾ ਬਾਜ਼ਾਰ ਹਾਂ।” ਜ਼ਿਕਰਯੋਗ ਹੈ ਕਿ 2024 ਤੱਕ, ਭਾਰਤ ਜੈਨਰਿਕ ਦਵਾਈਆਂ ਦੇ ਦੁਨੀਆ ਦੇ ਸਭ ਤੋਂ ਵੱਡੇ ਸਪਲਾਇਰ ਵਜੋਂ ਉਭਰਿਆ ਹੈ ਅਤੇ ਇਸ ਟੈਰਿਫ ਦਾ ਅਸਰ ਭਾਰਤ ਤੇ ਸਿੱਧੇ ਤੌਰ ਤੇ ਦੇਖਣ ਨੂੰ ਮਿਲੇਗਾ।